Европската радиодифузна унија (ЕБУ), организацијата која го организира Изборот за песна на Евровизија, потврди дека натпреварот нема да се одржи во Украина следната година и покрај тоа што украинскиот бенд „Калуш оркестра“ го освои првото место годинава.
„Со оглед на тековната војна, ЕБУ, во соработка со експерти, спроведе целосна оценка за изводливост и безбедност. Изборот за песна на Евровизија е една од најкомплексните ТВ-продукции во светот, со илјадници луѓе кои работат и присуствуваат на настанот и потребни се 12 месеци подготовка.
По објективна анализа, Референтната група на ЕСС и Управниот одбор со длабоко жалење заклучија дека, со оглед на моменталните околности, безбедносните и оперативните гаранции што ги бара ТВ-станицата за домаќин, организирање и производство на Евровизија според правилата, украинската телевизија моментално не може да го организира настанот.“
ЕБУ откри дека преговараат со „Би-би-си“ за Обединетото Кралство да ја преземе улогата на земја домаќин следната година.
Извор…
