Американскиот дневен весник „Њујорк тајмс“, пред Нова година одбележа 125 години од објавувањето на првата рецензија за книга. По повод јубилејот, организираа онлајн гласање за читателите да ги изберат најзначајните книжевни дела создадени во тој период. Гласаа луѓе од 67 земји, а резултатот е листа од 25 најдобри романи, што ја овјавија вчера!
Па така, според нивната публика, најдобар роман во последниве 125 години е „Да се убие птицата што се потсмева“ на американската писателка, Харпер Ли!
На второ место е „Господарот на прстените: Дружината на прстените“, првиот дел од фантастичната трилогија на Џ. Р. Р. Толкин, трет е Џорџ Орвел и неговата антиутописка класика „1984“, по него следи „Сто години самотија“ на колумбискиот писател Габриел Гарсија Маркес, а петти е романот „Љубена“ од Тони Морисон.
