Архитектонското студио „Јукава дизајн лаб“ создаде детска библиотека со поглед на парк во јапонскиот град Сакаи.
Споена со мост со соседниот парк, зградата има дрвена рамка со големи прозорци за да ја поврзе со зелениот простор. На приземјето, зградата од 192 квадратни метри има зона за бебиња и седишта на отворено.
Големите разиграни дрвени скали, кои обезбедуваат простор за одмор на децата, водат до простор за читање на горниот кат, кој гледа кон фоајето. Просторите се обединети под еден покрив покриен со ќерамиди за да можат посетителите да се чувствуваат поврзани еден со друг.
Според студиото, овој покрив бил дизајниран и како начин на поврзување на децата со „силите на природата“, како сончевата светлина и дождот.
Фасадата е направена главно од стакло за да се создадат „уникатна надворешност и забавна атмосфера“ и да се поттикне ангажираност кај децата. Ѕидовите со двојна висина нудат простор за складирање на над 3.000 книги, додека големите отвори обезбедуваат поглед во и надвор од просторот.
Извитканата фасада имитира форма на отворена книга, а косиот покрив обезбедува засенчување од директната западна сончева светлина.
