Нутриционистката Џулиа Денер ги откри можните причини за прекумерен глад:
- Хипоталамусот, дел од мозокот и најважниот центар на нервниот систем, ги регулира и гладот и жедта. Затоа, многу луѓе погрешно мислат дека жедта може да се помеша со глад бидејќи хипоталамусот ги контролира и двете. Според Денер, ова верување не е точно и ниту едно истражување досега не можело да го потврди ова тврдење. Сосема спротивно, жедта може да резултира со тоа што луѓето помалку сакаат одредена храна, но може да влијае на когнитивните и физичките способности и на тој начин да ве натера да копнеете по храна како замена за одмор.
- Дури и ако не сте физички гладни, вашето тело ќе испрати сигнал до вашиот мозок дека сакате да јадете ако видите слики од храна на социјалните мрежи. Истражувањата покажаа дека самото гледање храна може да предизвика глад, иако воопшто не сте гладни. Она што е уште поголем проблем е фактот што овој вид на „визуелен глад“ е поттикнат од висококалоричната храна.
- Друга причина за вашиот ненаситен глад може да биде прескокнувањето оброци. Истражувањата покажаа дека прескокнувањето оброци всушност го зголемува чувството на глад и ве тера да јадете повеќе од вообичаено. Нутриционистката тврди дека кога на телото не му даваме храна, тоа ќе ја поттикне акумулацијата на хормоните на гладот и на тој начин ќе ви го зголеми апетитот.
- Сонот е важен за нашето здравје, а меѓу другото влијае и на желбата за храна. Премалку сон може да доведе до намалување на нивото на хормонот лептин, кој е одговорен за потиснување на гладот, а во исто време, да доведе до зголемување на друг хормон, грелин, кој го стимулира вашиот апетит. Многу студии покажаа дека недостатокот на сон често се поврзува со зголемување на телесната тежина.
- Додека повеќето луѓе јадат протеини за ручек и вечера, само мал број ги додаваат во нивните закуски или појадок. Како што вели Денер, ова е сосема погрешно и може да предизвика да се чувствувате гладни. Имено, истражувањата покажале дека консумирањето протеини доведува до зголемена ситост и намалени калории.
- За чувството на глад може да придонесе и тоа што за време на оброкот не сте фокусирани на самата храна, туку сте преокупирани со други работи околу вас. Нутриционистката советува дека не треба да јадете премногу брзо или да се расејувате додека јадете. Во просек, на нашето тело му требаат 20 минути за да ја препознае гликозата во храната и да почне да чувствува ситост.
- Како што недостатокот на протеини влијае на ситоста, слична е ситуацијата и со влакната. Имено, недостатокот на влакна во исхраната може да предизвика и чувство на прекумерен глад. Влијаат на ослободувањето хормони кои го смируваат апетитот и им треба долго време да се разградат.
- Нутриционистката Денер истакнува дека некои лекови можат да го поттикнат апетитот и чувството на глад. Најчесто, станува збор за антипсихотици, антидепресиви, стабилизатори на расположението, кортикостероиди и лекови против напади. Ако случајно се сомневате дека лековите што ги земате се виновни за вашите чувства на глад, разговарајте со вашиот лекар за други опции за третман. Ако е можно.
Извор…
