Докторот Џулијан Де Силва, кој го предводи Центарот за напредна козметичка и пластична хирургија на лицето, пресметал кој е најубавиот маж на светот користејќи го методот на компјутерско мапирање на лицето.
Првото место го зазеде британскиот актер Арон Тејлор-Џонсон, еден од фаворитите за улогата на следниот Џејмс Бонд.
Де Силва користел метод заснован на „златниот пресек“, познат и како „божествен сооднос“. Тејлор-Џонсон доби оценка од 93,04 отсто.
„Арон беше јасен победник кога сите црти на лицето беа измерени за физичко совршенство. Неговиот резултат од 93,04 отсто лесно може да го направи најзгодниот Џејмс Бонд во историјата, ако ја добие улогата како што се очекуваше. Тој е многу пред сите актери кои го портретираат Џејмс Бонд – Шон Конери, кој е на второто место со 89,2 отсто, Роџер Мур на третото место со 88,8 отсто и Даниел Крег на последното место со 84,2 отсто“, рече тој.
Докторот вели дека Арон ја добил најдобрата оцена поради општата форма на лицето, а другите црти исто така биле високи.
„Ширината и должината на неговиот нос се речиси совршени, 98,9 отсто. Исто така, тој има прекрасно обликувана брада која постигна 95 отсто. Сите негови резултати беа силни, освен растојанието меѓу очите, кое беше на 89 отсто, растојанието помеѓу носот и усните (89,6 отсто) и усните (86 отсто)“, изјави Де Силва.
Второто место, според неговите пресметки, го зазеде актерот Лусиен Лависконт, ѕвезда на серијата „Емили во Париз“. Тој доби резултат од 92,41 отсто. Трет најзгоден маж е Пол Мескал со 92,38 отсто, потоа Роберт Патинсон (92,15 отсто) и Џек Лоуден (90,33 отсто).
Во топ 10 најзгодни мажи е и Џорџ Клуни.
„Џорџ Клуни е најстарата ѕвезда на листата, но тој останува неверојатно привлечен човек со класични карактеристики и одлични пропорции“, рече тој.
На листата се најдоа и Николас Хулт, Чарлс Мелтон, Идрис Елба и Шах Рук Кан.
