Фејсбук с(р)еќавања…
Еден многу мудар човек еднаш рече: „Не ги престигнувајте попаметните од себе. Вистинската натпреварувачка дисциплина се вика – кој подолго, а не кој побрзо ќе вози.“ Јас би додала – и кој со помалку сообраќајќи, притоа.
Знам дека ќе прозвучам како – никому потребните и „ничим изазваните“ – лајф коучи, но секогаш треба да имаме нескромни, но реални желби.
Во 2025-та посакувам да не жалиме за изгубеното и многу, мнооогу да очекуваме и од себеси и од другите. Ќе се разочараме речиси секогаш, ама тоа не е причина да се задоволуваме со малку.
Не со предмети (и онака само зафаќаат место и прашина), туку да тежнееме, затоа што и ни припаѓаат, кон чекори исполнети со леснотија, соништа со страст, возвратена лојалност, искажано сочувство, признание за сработеното.
Да не храбри љубовта кога сме сами, да имаме можност да направиме избор, па макар и погрешен.
Секој ден да имаме барем една причина за насмевка.
Чувајте се себе си, чувајте ги најмилите.
Не ги фрлајте старите ќебиња. “Зимата” допрва почнува.
