Тизерот – трејлер за филмот “Мајкл” ги собори сите рекорди по гледаност, собирајќи импресивни 116,2 милиони прегледи за само 24 часа од глобалното лансирање. Ова го направи најгледаниот трејлер во историјата на Лајонсгејт студио, но и најуспешниот трејлер за музички биографски или концертен филм досега.
Долгоочекуваниот биографски филм за кралот на поп-публиката, Мајкл Џексон, далеку ги надмина претходните рекордери со овој резултат.
На пример, филмот “Тејлор Свифт” имаше 96,1 милиони прегледи во првите 24 часа, додека трејлерот за “Боб Марли: Уан лов” достигна 60,1 милиони. Тој исто така го остави зад себе хитот “Боемска рапсодија” со 57,6 милиони прегледи, како и претстојниот филм на Боб Дилан, “Тотално непознат”, кој имаше 47,2 милиони прегледи.
Трејлерот за “Мајкл” премиерно беше прикажан наутро кога Лајонсгејт ги објави деловните резултати и собра повеќе од 30 милиони прегледи ширум светот во првите шест часа. Ова претставува зголемување од дури 50 проценти во споредба со бројките постигнати со трејлерот за акцискиот хит “Xон Вик: Дел 4”, во истиот период.
Биографскиот филм, во режија на Антоан Фука, пристигнува во кината на 24 април 2026 година. Улогата на познатиот крал на поп музиката му била доверена на неговиот внук, Џафар Џексон.
Други клучни улоги се Ниа Лонг како мајката, Кетрин Џексон, Колман Доминго како таткото, Џо Џексон и Мајлс Телер како адвокатот Џон Бранка. Сценариото е напишано од Џон Логан.
Лајонсгејт ќе го дистрибуира филмот во САД, Кино Филмс ќе ја преземе дистрибуцијата во Јапонија, додека Универзал ќе биде задолжен за сите други светски пазари.
Видео…