О …. о …. О
( ОГНЕНИ ОБРАЧИ ОДОКОЛУ )
Гане Тодоровски
Офкајте офофковци
Како офтикалии
Како олеле офковци
Обрачот одоколу е огнен!
Ако го стегнат
Ќе доизгориме
( Мислам, ќе доизгорите )
Јас ви се обраќам
Во второ лице множина,
Токму вам ( со мала буква вам )
Наполно свесен дека
По крв и здив и бол сум ваш,
Ама во стравот не
Не сум во стравот еднаков со вас!
Не сум над вас ниту до вас,
Скраја сум ЈАС од ВАС
Никаквеци, цревоугодници, боклуци
Трчилажи низаедни,
Лапни штогоде – лапачи,
Лиживагани и лижи П.ЧКИ
Даскалот Џинот што ни го изедовте
Изестливци пусти, плачи П.ЧКИ
Бутур да се сторите,
Дај боже да се бутуросате,
Да се бутелисате
Та Бутел да не ве собере,
Колвај – души, клукни – голтници,
Петлосани кукурику пејачи
Стивосувачи на нашите души,
Мувлосувачи на ДЕНОТ НАШ
Прематари на судбината,
Шеш – бешлии, баш – арамии
Лимонтузи, грозни сенештари,
Арамолепци, тресиопашки,
Џамбази и давајгази,
Семето да ви се затре,
Учки со змучки да ве сучат,
И да ве полазат ….
Змии и стии и мимикрии,
Ѓеризољубци, скапани трупци,
Сештодупци,
Апашко – врашки и богаташки,
Да се витосате ќешки
Налик на магарешки лепешки,
Да се глумнете во сопствените лајна,
Така – набавтана!
П.С.
Во трката на сеопшта збрка
Да ги заземете првите места, бркајки
Договорни ловорики,
СРКАЈКИ и КРКАЈКИ од обедот ….
О …. О …. О …..ОХОХООО …!
” Секало, кремен и трат “
2009 – та