Актерката Рoзи О’Донел напиша на Инстаграм дека е згрозена од раскошната свадба на Џеф Безос со Лорен Санчез во Венеција, Италија. На гала настанот кој траеше неколку дена, беа поканети многу познати личности од А-листата, од Сидни Свини до Леонардо Дикаприо…
„Свадбата на Безос. Ми се преврте стомакот гледајќи ги сите овие милијардери како се собираат во огромниот вишок на сето тоа“, напиша О’Донел пред да ја критикува Опра за нејзиното присуство на настанот.
„Дали Опра е пријателка со Џеф Безос? Навистина? Како е тоа можно? Тој се однесува кон своите вработени со презир. Според која било метрика, тој не е добар човек. А неговата лажна жена фем бот која изгледа како што изгледа… Зошто би ја избрал неа, по солта на земјата, Мекензи Скот? Продадена му е душата, вака изгледа од тука. Ѓаволот се смешка на сите негови освојувања.“
Опра присуствуваше на свадбата на Безос со долгогодишната пријателка Гејл Кинг, која добро се знае со Лорен Санчез по нивниот вселенски лет заедно претходно оваа година, благодарение на компанијата на Безос „Блу Ориџин“. О’Донел ги прошири своите анти-Безос мисли во објава на нејзината страница на „Сабстак“.
Други познати личности кои ја критикуваа свадбата на Безос се и добитничката на Оскар, Шарлиз Терон, која се шегуваше за гостите на свадбата на Безос додека беше домаќин на нејзината годишна забава за помош на Африка. Таа им рече на присутните: „Мислам дека можеби сме единствените луѓе кои не добија покана за свадбата на Безос. Но, тоа е во ред затоа што се лоши, а ние сме кул.“
О’Донел се најде на насловните страници претходно оваа година откако откри дека избегала од Америка по реизборот на Доналд Трамп. Таа моментално живее во Ирска и изјави за „Варајети“ дека нема планови да се врати во САД додека Трамп не ја напушти функцијата.
„Со сегашната политичка клима, кога би било безбедно да се вратам со моето дете?“, праша таа.
Наместо свечена атмосфера и локална гордост, венчавката на милијардерот Џеф Безос и неговата избраничка Лорен Санчез предизвика бран на незадоволство меѓу граѓаните на Венеција. Очекуваниот спектакл, кој медиумите го нарекоа „свадба на векот“, се претвори во симбол на отуѓувањето на богатите од реалноста на обичниот свет.
Според информациите на реномирани британски и италијански медиуми, локалните жители се соочиле со низа непријатности: затворени пристапи, резервирани хотели, блокирани линии на воден превоз, како и со масовно пристигнување на славни и ВИП-гости со приватни авиони и јахти.
Дополнителна контроверзност предизвикала и информацијата дека во Венеција пристигнале околу 90 приватни авиони. Еколошки групи процениле дека свадбата оставила огромен карбонски печат, спротивен на секое залагање за одржливост.
Свадбата, која вклучувала настапи на познати музичари, трпези на вода и повеќе промени на локациите во последен момент (заради безбедност и протестите), станала метафора на сè подлабокиот раскол помеѓу супербогатите и обичните граѓани. Додека гостите славеле, многу венецијци буквално бегале од градот, за да го одбегнат метежот, сообраќајниот колапс и чувството на отфрленост од сопствениот живот.
Наместо да биде романтична бајка, свадбата на Џеф Безос во Венеција ги покажала сите пукнатини на модерното општество – како ексцесот на една двојка може да го наруши животот на целиот град. И додека љубовта несомнено заслужува да се прослави, граѓаните на Венеција испратиле јасна порака: прославата е работа на личен вкус, но треба да се има мерка.