Вообичаената ултра-обработена храна вклучува сладолед, чипс, житарици, засладени јогурти со вкус на овошје и бисквити.
Таа е поврзана со 32 здравствени проблеми, вклучувајќи кардиоваскуларни болести, различни форми на рак и дијабетес тип 2.
Меѓународен тим истражувачи од Австралија, Соединетите Американски Држави, Франција и Ирска придонесоа за извештајот, кој вклучува 45 анализи со вкупно 9,8 милиони испитаници.
Tаквата храна не е „само модифицирана“, туку обично вклучува „хемиски манипулирани евтини состојки“, како што се модифицирани скроб, шеќери и масти, со многу малку целосна храна.
„Нема причина да се верува дека луѓето можат целосно да се прилагодат на таквите производи. Телото може да реагира како да се бескорисни или штетни, па системот може да ослаби или оштети, во зависност од ранливоста и количината на ултра-обработена храна што ја консумираат. Таквата храна станува сѐ повеќе дел од исхраната на луѓето ширум светот“, велат авторите, а во САД и Велика Британија таа сочинува половина од дневниот внес на калории.
