Компанијата Фејсбук, или по ново Мета вели дека го гради и дека до крајот на 2022 година ќе го изгради најбрзиот некогаш виден „суперкомпјутер со вештачка интелигенција“, а со кој ќе биде управуван контроверзниот Метаверзум во кој сите ќе имаме аватари.
„Мета го разви она што ние веруваме дека е најбрзиот суперкомпјутер со вештачка интелигенција во светот и ќе биде завршен подоцна оваа година – изјави Марк Закерберг.
Мета сака да ги претрка своите ривалите Мајкрософт и Н-видија кои веќе најавија свои „суперкомпјутери со вештачка интелигенција“. И овие се различни суперкомпјутери од оние кои ги гледавме до сега. Разликата е во тоа што тие ќе можат „машински да учат“ од своите грешки и успеси, но и да го тренираат „машинското учење“. Во виртуреалноста, во таа проширена реалност која нè чека софтверот ќе треба навистина подробно да нè научи, а за тоа да го прави, ќе треба сам да учи од искуството.
„РСЦ ќе им помогне на истражувачите за вештачка интелигенција на Мета да изградат нови и подобри модели на вештачка интелигенција кои можат да учат од трилиони примери; работа на стотици различни јазици, беспрекорно анализирање текст, слики и видеа и тоа во исто време, развивање на нови алатки за проширена реалност; и многу повеќе“, пишуваат инженерите на Мета, Кевин Ли и Шубхо Сенгупта во блог пост во кој ги наведуваат новостите.
„Се надеваме дека РСЦ ќе ни помогне да изградиме целосно нови системи за вештачка интелигенција кои можат, на пример, да напојуваат гласовни преводи во реално време за големи групи луѓе, секој да зборува на различен јазик, за да можат беспрекорно да соработуваат на истражувачки проект или да играат АР игра заедно“.
Работата на РСЦ започна пред година и половина, при што инженерите на Мета ги дизајнираа различните системи на машината – ладење, напојување, вмрежување и кабли – целосно од нула. Првата фаза на РСЦ е веќе отворена и работи и се состои од 760 Нвидиа ГГЏ А100 системи кои содржат 6 080 поврзани графички процесори. Само и такви можат да го издржат ова „машинско учење“ и доучување.
Од Мета велат дека веќе обезбедува до 20 пати подобрени перформанси на своите стандардни задачи за истражување на машинската визија. Негде пред крајот на оваа 2022 година, втората фаза од РСЦ ќе биде завршена. Во тој момент, компјутерот ќе содржи околу 16.000 вкупни графички процесори и ќе може да тренира системи со вештачка интелигенција „со повеќе од трилион параметри на збирки податоци големи колку еден егзабајт“.
За споредба, суперкомпјутерот со вештачка интелигенција на Мајкрософт изграден со истражувачката лабораторија ОпенАИ е изграден од 10 000 графички процесори.
