Грција
Во Грција оваа прослава се совпаѓа со празникот Свети Илија, кој се карактеризира со торта во која се втиснува паричка, а кој ќе ја најде ќе биде награден во Новата година. Грците имаат уште еден обичај поврзан со Новата година – тие често покануваат во куќата прв да влезе некој посебен пријател или член на семејството, за кој се верува дека носи среќа и спречува да влезат лоши работи.
Германија
Во Германија новогодишната ноќ е незамислива без огномет. Секоја година трошат 100 милиони евра за огномет. Традицијата да се прави врева на новогодишната ноќ датира од средниот век, кога луѓето штракаат по улиците за да ги избркаат злите духови.
Австралија
За Австралијците за Нова година се подготвува свечен ручек кој вклучува печење како симбол на среќа и благосостојба, а за десерт сладолед од ментол во форма на детелина со четири листа. Ова се главните услови за обезбедување среќа во новата година за таа нација.
Обединето Кралство
Во Британија е многу важно кој прв ќе влезе во куќата за Нова Година – ако се работи за маж со подароци, тоа е знак за среќа во наредната година, додека кога прва влегува жена не е баш добар знак.
Италија
Во Сицилија е вообичаено за Нова година да се јадат лазањи, бидејќи тоа носи среќа.
Куба
Во Куба се верува дека оној што ќе изеде 12 грејпфрути на полноќ – симболично за 12-те месеци од годината – треба да има среќа следната година.
САД
Во Северна Америка да се даде бакнеж на полноќ – оваа традиција доаѓа од маскенбалите кои биле вообичаени низ историјата. Според традицијата, маските ги симболизирале злите духови од старата година, а бакнежот претставувал очистување во новата година.
Данска
Данците кршат многу чинии пред прагот како симбол на општественото богатство – пријателите.
Норвешка
Норвежаните за Нова година јадат пудинг од ориз, а во него кријат бадем. Пудингот се служи во поголем сад, во кој има само еден бадем. Се сервира во чинии и се верува дека тој што ќе најде бадем во пудингот ќе го следи среќа и богатство.
Холандија
Холанѓаните во Новата година јадат крофни, бидејќи се обликувани како круг, што се смета дека носи среќа.
Јапонија
Јапонците ја започнуваат прославата наутро со чистење на куќата, со што симболично се чисти „прашината од минатото“ и се подготвува домот за успешна година.
Бразил
Бразилците имаат обичај да носат бела облека на новогодишната ноќ за среќа и мир во наредната година. Откако ќе прослават на полноќ со музика, огномет и вечера, одат на плажата каде што ги прескокнуваат „седумте бранови“, фрлаат цвеќе во океанот, додека некои оставаат запалени свеќи во песокот за Новата година да им донесе среќа и богатство.
