Албанските граѓани и понатаму се први на списокот на баратели на азил од земјите на Западен Балкан, во земјите на Европската унија.
-Според последниот извештај на Европската агенција за азил, во ноември лани, Албанците поднеле околу 892 барања за азил. Втори на листата се Македонците со 711 барања, Србите со 507, граѓаните на Косово со 281 барање, а потоа следат Босна и Црна Гора.
Според извештајот најпосакуваните земји од ЕУ за граѓаните од Балканот се Франција, Германија и Италија.
-Албанците имаат и најголем број барања за азил кои се во тек на разгледување во земјите од Европската унија. Но, сите барања за азил од земјите од регионот кои се испитуваат во земјите на ЕУ се со исклучително низок степен на прифаќање, посочува телевизијата.
Поточно, албанските граѓани имаат само 0,55 отсто од разгледаните барања кои се прифатени, додека ниту една од балканските земји не надминува еден процент од прифатените барања за азил.
