Колима
Ова е мексиканска населба, каде насилството и убиствата се зголемуваат, пред се поради нарко картелите кои се борат за шампионската титула во трговијата со дрога. Поради честите судири и невините жртви фатени во вкрстен оган, кај жителите владее страв. Локалните власти таму се соочуваат со бројни предизвици, обидувајќи се да промовираат безбедност и социјален развој преку образование, економски иницијативи и програми за спречување на криминалот.
Сиудад Обрегон
Мексиканскиот град Сиудад Обрегон, кој се наоѓа во јужниот дел на сојузната држава Сонора, го зазеде второто место на рангирањето на најопасните градови во светот во 2024 година, со 117 убиства на сто илјади жители. Насилството поврзано со картели му ја донесе титулата на еден од најопасните градови во светот. Градот забележа пораст на убиства, киднапирања и насилни судири меѓу ривалските банди кои се борат за контрола на територијата, при што полицијата не придонесува многу за чувството на безбедност и стабилност.
Порт-о-Пренс
Главниот град на Хаити, Порт-о-Пренс, е трет најопасен град во светот, пред се поради конфликтот меѓу бандите кои се борат за контрола на територијата, а бројот на киднапирања, убиства и сексуално насилство е во пораст. Проблемите во градот дополнително ги влошуваат политичките конфликти, економските кризи и последиците од елементарните непогоди, поради што голем број жители живеат во небезбедни услови.
И покрај напорите на локалните власти и меѓународните организации да го вратат редот и да ја подобрат безбедноста, сеприсутното влијание на бандите длабоко влијае на секојдневниот живот во Порт-о-Пренс.
Различни организации активно работат на решавање на социјалните проблеми, обезбедувајќи поддршка за ранливите групи и промовирајќи мировни иницијативи, но без поголеми и значајни промени.
Најопасните градови во светот во 2024-та
Колима, Мексико
Сиудад Обрегон, Мексико
Порт о Принс, Хаити
Замора, Мексико
Манзанило, Мексико
Тихуана, Мексико
Закатекас, Мексико
Гвајакил, Еквадор
Заливот Мандела, Јужна Африка
Сиудад Хуарез, Мексико
