Феноменот на поп – артот секако беше Енди Ворхол, кој бил многу повлечен, но го фасцинирало се што е експлицитно и јавно. За контроверзниот уметник можеби не сте знаеле дека…
- Како дете на словачки емигранти, од оригиналното презиме Ворхола го исфрлил последното А.
- Семејството му било баеги сиромашно, па оттаму и идејата да ја употреби конзервата за супата Campbell’s за своето прочуено дело.
- „Фабрика“ било местото каде што Ворхол собирал разни уметници, музичари, порно ѕвезди, наркомани, хомосексуалци… Меѓу посетителите биле и Дејвид Боуви, Мадона, Мик Џегер, Лајза Минели, Џон Ленон, Лу Рид…
- Сликите во серии почнал да ги прави само за да се разликува од својот поп – арт колега, Рој Лихтенштајн. (А не дека нешто ингениозно смислил….)
- Радикалната феминистка, Валери Соланас во 1968 година ќе го застрела Ворхол, по што тој до крајот на животот ќе носи корсет.
- Откако чул дека Елизабет Тејлор сериозно се разболела за време на снимањето на „Клеопатра“, бил убеден дека ќе умре, па побрзал да и направи серија на слики.
- Енди Ворхол снимил 26 филмови и продуцирал три ТВ серии. Всушност, бил опседнат со шоу – бизнисот и познатите личности иако, многу бил наводно, „срамежлив“.
- Носел диктафон постојано со себе и го нарекувал како „мојата сопруга“?! Изгледа сакал да си го слуша сопствениот глас, па така подоцна овие снимки се транскрибирани во „Дневникот на Енди“.
- На почетокот на кариерата Ворхол работел како илустратор во маркетинг. Еден од илустраторите е и на куварот Wild Raspberries.
- Неостварена желба му била да отвори автомати за храна (слично на автоматизираните трафики за сендвичи и лименки од 50 – тите на минатиот век. Во САД, секако. Кај нас уште ни „Чичко Стоилко“ не постоеше.) Требало да се викаат Енди – мат?!
- Бил посветен католик и често волонтирал во прифатилиштата за бездомници. Не се знае дали им донирал нешто.
- Имал куче јазавичар наречен Арчи, но многу ја обожавал расата мопс?! Ела па, најди им го крајот на овие, па уметнициве…