На врвот на листата која е последица на истражувањето што го направила германската осигурителна куќа Луко се наоѓа холандскиот град Утрехт. Во него, дури 51 отсто од жителите возат велосипед, а има и многу квалитетна велосипедска инфраструктура и многу малку дождливи денови во годината.
Градот Минстер во западна Германија е на второ место пред се, благодарение на малиот број на сообраќајни несреќи чии жртви се велосипедисти, но и поради активната велосипедска сцена, со многу фестивали и други манифестации поврзани со велосипедизмот.
Трета е белгискиот Антверпен. Според истражувањето, овој град е веројатно, најдоброто место за купување и одржување на велосипедите на светот. Има систем за делење на велосипеди ширум градот и четири илјади велосипедски рути.
На дното пак е Јоханесбург. Не само што многу малку луѓе возат велосипеди во најнаселениот град на Јужноафриканската Република, туку велосипедистите овде имаат и многу висока стапка на смртност кога го возат ова превозно средство.
- Утрехт, Холандија
- Минстер, Германија
- Антверпен, Белгија
- Копенхаген, Данска
- Амстердам, Холандија
- Малме, Шведска
- Хангџоу, Кина
- Берн, Швајцарија
- Бремен, Германија
- Хановер, Германија
