Рускиот ракетен комплекс „Сармат“, кој може да носи нуклеарно оружје, е префрлен во борбен режим. Ова го соопшти шефот на руската вселенска агенција Роскосмос, Јуриј Борисов.
„Сармат“ е стратешки вооружен систем базиран на силоси кој користи балистичка ракета со интерконтинентален дострел, способна да носи широк спектар на нуклеарна и хиперсонична муниција со голема моќност.
Рускиот претседател Владимир Путин го најави распоредувањето на системите „Сармат“ во видео порака објавена на 23 февруари, кога Русија го прослави државниот празник посветен на својата војска, Денот на бранителот на татковината.
Руското Министерство за одбрана првпат извести за успешни тестови на системот „Сармат“ во април 2022 година.На 20 февруари годинава за време на посетата на претседателот Џо Бајден на Киев, Русија повторно тестираше ракета „Сармат“, но тој тест не успеа.
