Дождот со дијаманти може да биде нормална појава на планетите низ универзумот, тврдат научниците, откако користеле обична пластика за да создадат чудни врнежи, за кои се верува дека се формираат длабоко во планетите Уран и Нептун.
Дијамантите на Земјата најчесто се наоѓаат длабоко под површината. Но, нова студија сугерира дека ситуацијата со дијамантите во вселената е нешто поинаква. Имено, научниците претходно теоретизираа дека екстремно високиот притисок и температурите ги претвораат водородот и јаглеродот во цврсти дијаманти илјадници километри под површината на ледените џинови во вселената. Новото истражување додаде кислород на таа равенка и откри дека може да врне дожд на ледени гиганти низ универзумот – „дијамантски дожд“.
Доминик Краус, физичар во германската истражувачка лабораторија ХЗДР и еден од авторите на студијата, рече дека врнежите од дијаманти се сосема различни од дождот на Земјата.
Се верува дека постои топла, густа течност под површината на планетата, каде што се формираат дијаманти и полека тонат во карпести јадра потенцијално со големина на Земјата, повеќе од 10.000 километри под површината, рече Краус. Таму, дијамантите би можеле да формираат огромни слоеви кои се протегаат на „стотици километри, па дури и повеќе“, изјави Краус, додавајќи дека тие се формираат под слични сили како на Земјата.
Со цел да се повтори процесот, научниот тим ја пронајде потребната мешавина од јаглерод, водород и кислород во лесно достапен извор – ПЕТ пластика, која се користи за секојдневно пакување на храната. Краус рече дека иако истражувачите користеле многу чиста ПЕТ пластика, во принцип експериментот треба да работи и со шишиња Кока-Кола.
Тимот потоа сврте оптички ласер со голема моќност на пластиката во Националната акцелераторска лабораторија во Калифорнија.
Многу, многу кратки изливи на неверојатно светли рендгенски зраци им овозможија да го набљудуваат процесот на формирање на нанодијаманти, ситни дијаманти кои се премногу мали за да се видат со голо око, објасни Краус.
Кислородот што е присутен во големи количини на тие планети навистина помага да се цицаат атомите на водород од јаглеродот, така што всушност е полесно за тие дијаманти да се формираат, додаде Краус.
Извор…
