Британците дошле до заклучок дека нивните проблеми со несоницата предизвикуваат загуби поради помалата продуктивност. И додека интернетот е полн со совети за подобар сон, еден од нив беше ставен на тест за да се види неговата ефикасност.
Милиони луѓе, кои страдаат од несоница, тврдат дека топлата купка им помага како лек да заспијат, а научниците утврдиле колкав временски интервал е неопходен за капењето да биде ефективно. Ако поминете 15 минути во топла бања, дефинитивно, ќе го забележите овој ефект.
Туширањето или капењето помалку од 15 минути го нема истиот ефект, а научниците од Универзитетот „Кјушу“ го измериле квалитетот на сонот кај 23 мажи и жени.
Резултатите покажуваат дека бањата не само што помага да заспиете туку и помалку ќе се будите во текот на ноќта.
Истражувањето покажува дека на оние што поминале 15 минути во бања им биле потребни само 12 минути за да заспијат, а на оние што кратко се туширале повеќе од 20 минути.
