Најстарата ученичка во основно училиште во светот, Кенијката Присила Ситиени, која на 94 години реши да оди на училиште, што беше поздравено од УНЕСКО, почина на 99-годишна возраст, објавија локалните медиуми.
Нејзиниот внук, Семи Чепсирор, изјави дека Гого Присила, како што ја добиле прекарот, починала во средата во нејзиниот дом од компликации во белите дробови.
„Гого беше во добра здравствена состојба и одеше на училиште до три дена пред нејзината смрт, кога доби болки во градите, поради што беше принудена да го напушти училиштето. Бевме многу горди на неа“, рече тој.
Присила Ситиени имаше 94 години кога успеа да го убеди директорот на училиштето во нејзиното село во долината Голема Рифт да ја прими во училиште, што УНЕСКО го пофали како „пример за нејзината заедница и пошироко“.
Во интервју за УНЕСКО минатата година, Присила Ситиени рече дека сака да ги мотивира младите мајки во нејзината земја да се вратат на училиште по породувањето наместо да се откажат од образованието.
„Сакав да дадам пример не само за девојките од Кенија, туку и за другите девојки ширум светот кои не се образовани. Без образование нема разлика меѓу мене и кокошкат“, рече таа.
Снимен е и документарец во Франција за неа, па минатата година ја посети Франција и ја запозна првата дама Брижит Макрон. Тоа беше прв пат во нејзиниот живот да лета со авион.
