Еуропол објави дека во рамките на голема меѓународна акција, која покрила 35 земји, била растурена една од најголемите мрежи за педофилија и детска порнографија на светот. Преку операцијата, полицијата ја затвори платформата KidFlix, која беше активна од 2021 година и привлекла 1.8 милиони корисници ширум светот
Според Еуропол, 79 осомничени лица биле уапсени за разменување и дистрибуирање материјали за сексуално злоставување на деца на онлајн платформата KidFlix. Неки од уапсените се сомничат дека лично злоставувале деца.
Германските и холандските власти го заплениле главниот сервер на платформата, кој во тој момент содржел 72.000 видеа. Вкупно, на платформата биле поставени и споделени околу 91.000 уникатни видеа. KidFlix беше многу профитабилна платформа, која овозможувала не само преземање, туку и стримување на видео материјали за сексуално злоставување на деца.
„За разлика од другите познати платформи на ваков тип, KidFlix не само што им овозможувала на корисниците да преземаат материјали, туку и да стримуваат видео записи,“ соопшти Еуропол, додавајќи дека корисниците плаќале со криптовалути кои потоа биле претворени во токени. Корисниците исто така можеле да заработат токени со поставување материјали, верификување на наслови и описи, како и категоризирање на видеата.
Еуропол исто така објави дека оваа операција е најголемата која што досега ја воделе нивните експерти во борбата против сексуалното искористување на деца и еден од најголемите случаи што агенцијата го поддржала во последниве години. Во операцијата биле идентификувани скоро 1.400 осомничени лица, а 39 деца биле заштитени.
Истрагата продолжува, а Еуропол продолжува со координирање на размената на информации меѓу земјите учеснички во акцијата.
Според експертите, денес постојат четири главни групи на сајбер предатори, од кои секоја има специфични улоги и стратегии.
Првата група се колекционери. Тоа се луѓе кои комуницираат со други колекционери, разменуваат информации за материјалот, но не го споделуваат директно. Во оваа ситуација на KidFlix, веројатно тоа се луѓето кои се вклучиле во таква размена.
Друга група се дистрибутерите, кои не само што разменуваат материјали, туку даваат и технички совети како да се избегнат истрагите.
Тие ги користат Даркнет и други услуги за анонимност за да ги отежнат истрагите. Третата група, најопасна, се производителите на навредливи содржини, кои не само што ги експлоатираат децата, туку и произведуваат и продаваат порнографски материјали.
Имало и случаи кога се вршело пренос во живо, што е особено страшно.
Четвртата група се онлајн воајери, кои пристапуваат само до таква содржина, но не ја преземаат на своите уреди.