Најразочарувачката атракција на светот е тематскиот парк во Велика Британија, Алтон Тауерс кој е направен по моделот на Дизниленд и се простира на 910 хектари. И покрај тоа што е најголемиот забавен парк во земјата, истражувањата покажуваат дека речиси половина од прегледите содржат негативни коментари. Најчестите поплаки се однесуваат на лоша вредност за парите, нетранспарентни информации за билетите и прескапи додатоци како храна и пијалоци. Особено се издвојува лошата корисничка поддршка, која често ја засенува самата содржина.
Термалните бањи во Будимпешта
Бањата Szechenyi во Будимпешта, најголемата медицинска бања во Европа, привлекува туристи од 1913 година. Сепак, над една третина од посетителите го изразуваат своето незадоволство, особено поради гужвите и тешката пристапност. Овие бањи го зазедоа третото место во категоријата пренатрупаност, со речиси четири пати повеќе поплаки од просекот.
Паркот Сиам во Тенерифе
Паркот Сиам во Тенерифе, најголемиот воден парк во Европа. Во 2007 година го отвори принцезата Маха Чакри Сириндхорн од Тајланд. Иако ја носи титулата „најдобар воден парк во светот“, многу посетители не се задоволни од искуството. Најчесто се споменуваа непријатни прашања за персоналот и пристапноста. Некои посетители се жалат на засрамување со тежината и недостаток на пристапност за лицата со посебни потреби. Речиси една третина од прегледите содржат негативни коментари.
Time Out Market Lisboa
Овој гастрономски рај во Лисабон, отворен во 2014 година, брзо стекна светска слава, но со него дојдоа и проблеми. Повеќе од 25 проценти од прегледите се негативни, а главните проблеми се огромните гужви и ограничениот пристап. Со дури 18,4 отсто поплаки за пренатрупаност, Time Out Market Lisboa го држи неславното прво место во оваа категорија, пренесува TU.
Фонтаната Ди Треви
Фонтаната ди Треви во Рим, еден од најпознатите барокни споменици во светот, редовно се појавува во филмовите. Секоја година туристите фрлаат околу милион евра во оваа фонтана, верувајќи дека тоа ќе им обезбеди враќање во Рим. Меѓутоа, ако планирате да фрлите паричка, подгответе се за гужвите. По Time Out Market Lisbon, оваа атракција е на второ место по бројот на поплаки за пренатрупаност. Една од четири рецензии содржи негативни коментари, а затворањето за реновирање во 2024 година дополнително го влоши искуството на посетителите.
Иако овие атракции се меѓу најпознатите во светот, реалноста понекогаш не ги исполнува очекувањата. Прекумерната гужва, лошата услуга и прескапите цени може да го расипат туристичкото искуство.