Харк Д. Хералд или Добриот Крал Венцелас! Секоја година има натегање околу омилената химна во домаќинството на Мечката. Овој период од годината (барем на северната хемисфера) бара топли задоволства со мирис на носталгија и потсетување на среќни времиња. Што е поевокативно од шолја топло чоколадо, богато со маршмелоу, намирисано со кардамон, во која уживате додека носите скапа трикотажа на софата?!
Состојки
– 3 лажици добро какао во прав (секогаш одете на Fairtrade)
– 2-3 лажици шеќер или 1 голема лажица мед
– 300 мл полномасно млеко
– 200 мл крем за готвење (аман, не Хопла)
– Светло млечно чоколадо (темно за возрасни, но возрасните како Muggles, се досадни)
– Малку кардамон
– Парчиња маршмелоу
Чекор по чекор
– Во тенџере загрејте ги кардамонот, млекото и кремот.
– Смесата не смее да зоврие. Ако користите термометар до 65 степени или по бапски – да го „издржите“ малото прсте во него неколку секунди, без да се изгорите.
– Измешајте ги шеќерот или медот.
– Растопете го чоколадото. За ова е потребна водена бања или микробранова печка (Најгела го сака овој начин). Не ставајте парчиња нерастопено чоколадо во смесата со млеко, бидејќи може да ја направат зрнеста текстурата.
– Измешајте го какаото, матејќи додека не се добие пенеста смеса.
– Додадете го растопеното чоколадо и продолжете со матење.
– Треба да добиете сјајна и густа течност со конзистентност како за тесто за палачинки.
– Додадете парчиња маршмелоу по желба.
– Може да додатете ракија од цреши или рум, по желба. Изгубете се во вашите сеќавања…
