Сутерен.мк

Мрежата 6Г е сто пати побрза од 5Г

Кина долго време ја тестира 6Г технологијата и мрежите кои ќе нудат нови услуги и брзини на пренос на податоци кои се неверојатно поголеми од 5Г мрежата. Преносот на податоци во кинеската 6Г мрежа е со брзина од еден терабајт на растојание од нешто повеќе од еден километар, што е највисоката брзина на пренос на податоци официјално постигната безжично!

Истражувањето го водеше професорот Џанг Чао од Универзитетот Џингхуа, еден од најголемите истражувачки центри во Пекинг и Кина, а рекордните стапки на податоци беа постигнати благодарение на многу високите фреквенции на радиобранови кои се користат за време на преносот т.н. вортекс-милиметарски бранови.
Ова истражување само случајно се однесува на мрежите 6Г, бидејќи овие типови на бранови, кои патуваат до или побрзо од петпати од брзината на звукот, се дизајнирани за хиперсонично оружје, комуникација и директно таргетирање на далечни цели и се спроведуваат под надзор на кинеската воена индустрија.

Сепак, системот беше официјално тестиран за прв пат како 6Г мрежа на иднината, а беше оспособен и ставена во функција за време на Зимските олимписки игри во Кина, благодарение на што е можно да се испорачаат преку десет илјади преноси во живо со висока резолуција од истото место.

Според професорот Џанг Чао, вителските милиметарски бранови се најголемото откритие во проучувањето на радио брановите во последните сто години. Овој тип на радиобранови, за разлика од сите други што се користат во моментов, имаат три димензии наместо две и наликуваат на вител каков што се создава за време на торнадо.

Најинтересното во ова истражување, тврдат кинеските научници, не е самата брзина на пренос на податоци, туку нова физичка димензија која може да доведе до неверојатни откритија во понатамошните истражувања за пренос на информации.

Според тековните резултати од истражувањето, 6Г мрежата би можела да биде до 100 пати подобра во однос на мрежниот капацитет и брзина, и ќе донесе можност за комуникација од вселената, а Кина најверојатно ќе остане лидер во оваа област, бидејќи оваа земја има најмногу активни патенти.

Извор…

Leave a Reply

Your email address will not be published. Required fields are marked *