Холандското здружение за истражување на информациите на пазарот (SOMI) по судски пат бара околу 1,5 милијарди евра од социјалната мрежа ТикТок, како отштета за 64 000 родители.
Причината е што ТикТок без дозвола собира податоци за малолетниците заради таргетирано огласување, но и поради тоа што децата се изложени на разни опасности особено, преку т.н. предизвици кои корисниците на платформата ги бараат едни од други.
Здружението е непрофитна организација посветена на заштитата на основните права на корисниците на интернет и тврди дека условите за користење на ТикТок, како на пример дека на малолетниците им треба дозвола од родителите за користење на оваа мрежа и дека помлади од 13 години не смеат да направат профил на истата, не се почитува.
