Сутерен.мк

Викенд рецепт: Биш-Баш-Бош

Буквално е невозможно Мечката да го именува овој хибриден рецепт поинаку, освен со фраза што ја опишува леснотијата на неговото правење.

Обидот да се рекреира класична летна манџа во странство, доведе до различна верзија, главно поради различната конзистентност на локалното фета сирење што се користеше. Хибрид на шакшука и мишмаш, новосоздаденото јадење е подеднакво вкусно и ги обединува сите ароми на долгото, топло лето.

Шакшука (зборот потекнува од арапски и лабаво се преведува како мешано) е јадење кое потекнува од Северна Африка и е популарно низ Блискиот Исток и Израел, каде е вистинска ѕвезда на трпезата за појадок.

Клучните состојки се јајцата, нежно поширани во сос од домати, кој се зачинува со додавање на лук, чили, магдонос и разни зачини. Ова задоволство се служи со арапски лепињи или парчиња обичен леб. Неговата структура е многу слична на летната манџа.
За оваа верзија на рецептот, не користете зрела, солена фета. Користете млада, незрела фета која ќе се стопи во тавата за да се создаде сос.

Состојки

– 6 јајца.
– Сол и бибер по вкус.
– Свеж „француски“ магдонос (бидејќи има побогат мирис, вкус и боја).
– 1 голем црвен кромид. Црвениот кромид дава сладок вкус и прекрасно карамелизирање.
– 4 пиперки. Користете што сакате. Бангле претпочита жолта и црвена боја. Зелените пиперки ќе дадат уште попрекрасен вкус и арома. Експериментирајте.
– Салса од домат (густа). Или ако е лето, користете зрели градинарски домати, 4-5 средни по големина.
– ½ лажичка шеќер за намалување на горушицата.
– 400 гр кашкавал, тоа што го спомнавме. 300 за топење и 100 за декорација и повеќе вкус.
– 2-3 чешниња лук за печење. Количина, според тоа за колку луѓе ќе готвите.
– Вкусен, исечен леб.
– Маслиново масло по потреба.

Чекор по чекор

– Излупете го и исечкајте го кромидот.
– Во загреана тава ставете 3 лажици маслиново масло, па пропржете го кромидот додека не се карамелизира или порумени.
– Додадете ги ситно сечканите пиперки и динстајте ги заедно со кромидот.
– Потоа додадете ги засладените домати.

– По 4-5 минути на рингла (поставете го на 4/6 или 5/6), додадете го сирењето.
– Оставете да се растопи и течноста да испари. Треба да се добие конзистентност со средна дебелина, но не премногу густа.
– Тргнете ја тавата од оган и додека садот е топол додадете ги јајцата и нежно промешајте. Јајцата ќе се сварат од топлината на самиот сад.
– Послужете со прекрасен леб, кој го намачкавте со лук и го посипавте со маслиново масло и го печевте малку да стане крцкав во рерна.
– Рустично послужете го јадењето на убава карирана покривка за маса, дрвена даска и во садот во кој сте го зготвиле. Ова е јадење е за споделување. Не заборавајте да го посипете со остатокот од скршеното или исечено сирење и магдоносот пред да го послужите.

Извор…

Leave a Reply

Your email address will not be published. Required fields are marked *