Сутерен.мк

Викенд рецепт: Патка, а ла портокал

Оваа класика од 70-тите години е фасцинантно јадење! Претставува совршен спој на бравадото на Алисон Стедман како хостеса во „Abigail’s Party“ на Мајк Ли и обидот за софистицираност на Дел Бој во култните „Only Fools and Horses“.

И како и повеќето од неправедно отфрлените бистро-класици од 70-тите, како што се Steak Dianne или Black Forrest Gateau, исклучителен, ако е добро направен!

Патка и овошје се класична комбинација. Од руската класика „Патка со цреши“ („Утка с вишней“) до употребата на сос од сливи во „Пекиншката патка“, возвишената комбинација од патка и остро овошје е глобално прифатено задоволство.

Ова е совршено јадење за сервирање за вечера-а-декс, за ненаметлива домашна прослава, во склад со модерното време. Оваа верзија е многу екстравагантна.

За локални вкусови и буџети, секако можете да ја замените патката со пилешко и пржете ја презентациската страна (страната на кожата) подолго, да го замените вискито со овошна ракија или силно вино како мадера и да пробате слатко од дуња во комбинација со дуњевача или слатко од бобинки со тешко црвено вино или мадера . Што и да направите, нема да згрешите!

Состојки

– 2 гради од патки на собна температура.
– Масло и путер.
– Сол и црн пипер.
– Голема лажица мармалад од портокал (пробајте ја верзијата на Amanda’s Potion).
– Чаша виски. Користивме еден слад од дестилеријата наречена Edradour во Пертшир, чии ноти од ванила совршено ја надополнуваат патката.
– 250 гр „ориз“ од карфиол (карфиол исечен на големина на ориз со кујнско помагало или сличен уред).
– Мајонез од тартуфи (или некои тартуфи кои може да се рендаат во мајонез).

Чекор по чекор

– Загрејте ја тавата без масло на висока температура.
– Кожата од патката исечете ја со остар нож во форма на баклавички.
– Додадете ги градите од патка со кожата надолу (кожата да е во контакт со загреаната тава).
– Откако ќе слушнете звуци на цркотење, намалете на 3 од 6
– Градите од патка ослободуваат многу маснотии! 2 гради од патки ќе остават многу маснотии во тавата. Префлете околу половина маснотија во чаша и искористете ја следниот ден за да испечете компири. (Ќе си умрете и отидете во кулинарски рај!)
Внимание, добар трик! Пржете ја патката со кожата надолу 20-25 минути. Ќе забележите дека горниот дел е сѐ уште сиров, а кожата долу е многу крцкава и препечена. За да го зготвите врвот, можете или да ја заливате патката со сопствената маснотија (со лажица, небаре правите камуфлирани јајца) или да ја ставите на грил со живата страна нагоре, 5 минути.
– Извадете ги градите и оставете 10 минути да одморат и да пуштат сокови (за сосот ќе ни требаат).
– Истурете половина од маснотиите во чаша, како што веќе кажавме.
– Во остатокот од маснотиите додадете ги соковите од месото и голема лажица мармалад од портокал.
– Смесата ќе почне да крчка и дополнително да се карамелизира.
– Додадете го вискито и оставете да испари алкохолот. (Кујната ќе мириса божествено.)
– Кога сосот ќе се редуцира, додадете парче путер на тивок оган и мешајте додека не ја добиете прекрасната пенеста конзистентност на француски сос.
– За пирето од карфиол, варете го „оризот“ од карфиол 5 минути, поминете го низ сито или блендер, додадете путер и една лажица мајонез од тартуфи.
– За сервирање, со лажица ставете го пирето од карфиол во центарот на убава чинија за сервирање
– Исечете ја патката дијагонално, прикажувајќи ја со кожата нагоре, за да можеме да видиме убава крцкава кожа и розово месо. (Препечена патката е трагедија!)
– Посипете со сосот.
– Секогаш е добра идеја да додадете точки од овошен балсамик, заради дополнителна естетика.
– Технички, тартуфот треба да ја совлада патката, но не го прави тоа и се чувствуваат сите вкусови.

Јадењето е ресторантско парче домашната декаденција. Треба да се конзумира со доброто шише лесно црвено, Fleurie (Georges Deboeuf), омилената винарија за Fleurie и Beajoulais во домаќинството на мечките.

Ова не е вид на храна што се готви секој ден, но тоа е вистинска гозба и ќе направи нечиј посебен ден незаборавен. Пробајте и кажете ѝ на Мечката дали ви се допадна!

Извор…

Leave a Reply

Your email address will not be published. Required fields are marked *