ТВ серијата Серијата „Succession“ на ХБО, која ги следи аферите на моќни семејства чии членови меѓусебно си пакостат, доби 25 Еми номинации (пандан на оскарот за телевизиски достигнувања) и ќе се натпреварува со јужнокорејската серија „Squid game“ на Нетфликс, која во историјата влезе како прва продукција која не е на англиски јазик.
Наградите ќе се доделат на 12 септември, а во трка се и успешните ТВ-серии како „Stranger things“, „Ozark“ и „Better call Saul“.
Во категоријата хумористични серии, најдобра позиција со 20 номинации има „Ted Lasso“.
Во категоријата мини серии, 20 номинации има „The white lotus“ која ја исмејува хипокризијата и површноста на богатите гости на луксузен хотел на Хаваи.
Зендаја влезе во историјата на Еми како најмлада номинирана актерка во категоријата за оригинална музика и стихови за серијата „Еуфорија“. Актерката е номинирана втора година по ред, во 2021 година тогаш 24-годишната актерка беше најмладата жена која има добиено Еми за најдобра актерка во драмска серија.