Доколку сакате да ја разладите просторијата без клима-уред, доволни ви се влажна чаршафа или пешкир, отворен прозорец и соодветни временски услови.
Најдобар ефект се постигнува навечер, во текот на ноќта или рано наутро, кога надворешниот воздух е посвеж. Влажната, но не целосно натопена чаршафа треба да се закачи пред отворен прозорец, така што воздухот ќе поминува низ неа.
Дополнителен ефект може да се постигне ако се отвори спротивниот прозорец или вратата, со што ќе се создаде провев, пишува Fenix Magazin.
Методот функционира благодарение на испарувањето на водата, при што топлината се апсорбира од околниот воздух, па тој станува нешто поладен. Сепак, експертите предупредуваат дека станува збор за привремено решение кое најдобро функционира во услови на сув воздух.
Не се препорачува ткаенината постојано да се навлажнува, бидејќи зголемената влажност во просторијата може да ја намали удобноста, особено во спарни денови, а на долг рок да придонесе и за појава на мувла.
Затоа, се препорачува овој метод да се користи повремено, во комбинација со кратко, но интензивно проветрување на просторијата.
Станува збор за традиционален „марокански трик“, кој се темели на природниот процес на испарување на водата.