Пролетта, иако поминува најбрзо од другите годишни времиња е најпозитивниот период од годината. Доколку тоа до сега не сте го сториле можеби ова е идеален период да го преиспитате задоволството од сопствениот живот и, ако не сте задоволни од личната реализација, можеби е време нешто да промените кај себе. Еве неколку „проверени“ тајни на она што во едно општество важи како успешна жена…
- Не се обидувајте да бидете совршени!
Тежнеењето кон совршенство доведува до незадоволство кое може скапо да го платите, а сите знаеме дека никој не е совршен, нели!?
- Имајте страст!
Колку и да сте интелигентни и вешти, ако не чувствувате барем малку страст кон она што го работите, нема да имате мотивација тоа да го правите како што треба.
- Партнер полн разбирање!
Тешко дека постои успешна жена, која нема поддршка од партнерот. Втората опција е да имате верен пријател.
- Ризикувајте!
Кој не ризикува, не ни профитира. Понекогаш треба да се стави се на коцка па што биде – биде. Исто и со неуспехот – кога ќе потонат бродовите едноставно, продолжете понатаму.
- Време за себе!
Не може да постигнете ништо доколку не се грижите за себе. Секој ден треба да се одвои барем еден час за себе. Па кој и да се лути притоа…
- Контакти и пријателства!
Жените од кариера знаат дека квалитетните пријатели и нивната поддршка честопати е пресудна за радоста во животот. И секогаш имајте на ум дека никогаш не се знае кој се може да ви затреба во животот.
