Тешко е да се издвојат само неколку од овие животни, зашто нив ги има навистина во голем број и не само што тие се издвојуваат со својот необичен изглед, туку и со уникатните карактеристики…
• Дамбо октопод
Октоподите од родот grimpoteuthis се познати и како Дамбо октоподи, заради перките на главата, кои личат на ушите на летечкото слонче на Дизни, Дамбо. Тие живеат во екстремни длабочини и се едни од најретките видови на октоподи.
• Ангорски зајак
Ангорскиот зајак е вид на домашен зајак, одгледуван поради својата долга и мека „коса“. Тие биле популарни како миленичиња меѓу француската елита во седумнаесеттиот век, а во текот на наредниот се рашириле и низ остатокот од Европа. Долгото руно, можело да се отстрани со стрижење и кубење.
• Нарвал
Нарвалот е арктички вид на кит. Еден е од двата вида на бел кит. Најизразена негова карактеристика е долгиот туск (заб), кој е на левата страна од горната вилица и може да израсне до три метра и да тежи до 11 килограми. Отприлика, еден на петстотини мажјаци има два туска. Улогата на нивниот заб научниците се уште ја немаат откриено.
• Морски змеј
Наречен според змејовите од кинеската митологија, морскиот змеј личи на пловечка алга додека лебди во водата преполна алги. Само мафтањето на ситните перки и движењето на очите може да го открие. Нема заби, ниту стомак, а се храни исклучиво со школки. Тој е заштитен вид, а може да се најде во мирна и студена вода и тоа, најчесто во Австралија.
• Јети краба
Овој вид на рак, откриен е во 2005 година во Пацификот. Долг е околу 15 сантиметри, а препознатлив е по свиленото влакно, слично на крзно, кое му ги прекрива нозете и клештите. Може да се храни со бактерии иако, се смета за месојад. Исто така, јаде зелени алги и мали школки.
