Се сомневам дека сопругот ми е неверен. Како да го проверам тоа?
Мира
Мира дарлинг, стручњаците велат дека се поневерни жените со пискав глас (високо ниво на естроген), а мажите со подлабок глас (големо присуство на тестостерон) и обратно. Прељубите се случуваат при долгорочни моногамии, што се тешки за секого и успеваат да им одолеат само малкумина со многу цврста убеденост во целта. Патем, во изневерување спаѓа и специјален духовен однос, што може да биде подеструктивен од некоја секс авантура. Прашањево ви е „пери – носи“ па, што можам да кажам освен: обично, ако има сомневање, има и основа за тоа. Ете (тестов не е сигурен и одговорноста за иходот е секако, ваша), можете да споменете дека вие сте го изневериле па, ако избувне и направи кавга, објаснете му зошто сте го кажале тоа. Меѓутоа, ако почне смирено да ви „филозофира“ речиси, сигурно е дека има тука нешто и само бара оправдување за своите гревови…
(Упатствата во оваа рубрика се само субјективно гледање на меѓучовечките релации. Никако не треба да се сфатат како достојна замена за стручно мислење.)
