Декоративната козметика е измислена за да ја нагласи, а почесто и да ја надомести, нашата убавина. Сепак, на многумина шминкањето им е напорен процес и нешто што не ги исполнува, но и понатаму го прават. Еве, според „Космополитан“ неколку причини за полесно да се збогуваат (па нека е и на извесен период) со оваа социјално „обврзна“ рутина…
- Шминката често предизвикува алергии и предизвикува акни.
- Се покриваат „флеки“ кои би требало да се третираат медицински.
- Неизлегувањето од дома без шминка е крајно сериозно нарушување на самодовербата.
- Повеќето од производите што ги користиме се преполни со хемикалии.
- Одзема премногу време, кое може многу покорисно да се потроши.
- Добрата декоративна козметика е многу скапа.
- Шминкањето треба да биде забавно, а не малтретирање – ако ве мрзи, не се шминкајте!
