Новата книга на проф. д-р Лорета Георгиевска-Јаковлева „Даночен број на страста“ (поддржана од Министерството за култура), што ќе биде промовирана на седми октомври (следната среда), во 19 часот, во ЈУ Културно-информативен центар (КИЦ) – Скопје, најавена е како нов творечки исчекор за авторката.
Промотор на делото е проф. д-р Ана Мартиноска, делови од книгата ќе интерпретира актерката Ирена Ристиќ, а видеото и музиката е на Лазар-арт студио.
Проф. д-р Лорета Георгиевска-Јаковлева е редовен професор и научен советник во Институтот за македонска литература при УКИМ во Скопје. Додека најголемиот дел од нејзиниот научен опус ги опфаќа теоријата на литературата, културолошките и родовите студии