„Македоника литера“ неодамна ја објави книгата „Мал историски калеидоскоп“ од Невен Радически, која претставува збирка од седум текста и два историски документа.
Во нив се обработуваат и се разгледуваат различни прашања и теми, претежно поврзани со македонското поблиско историско минато.
Невен Радически (1979) е доктор по историски науки и работи во Институтот за национална историја во Скопје, каде што и магистрирал.
Се занимава со проучување на најновиот период од историјата на македонскиот народ, односно на периодот од создавањето на современата македонска држава до нејзиното осамостојување.
