- Веста ужасно ме погоди. Едноставно, немам зборови. Постојат некои умирања кои се апсурдни и е невозможно да се помириш со нив. Се чувствувам исто како и кога умре Арсен – изјави Раде Шербеџија по повод смртта на прославениот кантавтор Ѓорѓе Балашевиќ.
- Беше голем, величествен поет. Божествен поет, кој не само што ги пееше своите песни, туку пишуваше и поезија и книги. Беше мудрец. И покрај сето тоа, беше и голем човек. Храбар кога требаше да се биде храбар. И рече не на војната. Му рече не на насилството и на тоа треба да му се одаде секое признание и чест! – искоментира славниот актер.
Ѓорѓе Балашевиќ почина вчера, на Инфективната клиника во Нови Сад, Србија.