Честата промената на расположението може да биде од различни причини , но депресијата значи пореметување на расположението и си има своја дефиниција и начин на лечење.
Како и да е, превенцијата, како и во останатите болести е клучна, за да не се јави клиничка депресија или други облици, што на одредени делови на мозокот му ја менуваат структурата, а понатаму делуваат и на помнењето, учењето и размислувањето.
Еден од докторите кои невронауката ја доближуваат до пошироката публика е и Бен Рејн од Универзитетот во Стенфорд (има и свој профил на ТикТок), кој вели дека се уште главниот проблем е во пронаоѓањето на причините за депресија.
Тој е на став дека когнитивната бихевиорална терапија и препишувањата на антидепресиви не секогаш ги даваат посакуваните резултати, но за сега, друг начин на лечење не е покажан за поефикасен.
Научниците според него, до денес не знаат што се случува во мозокот на човекот со дијагностицирана депресија.
Иако, главниот „став“ e дека причините за ова пореметување е недостатокот на серотонин во мозокот, докази за тоа нема.
Сепак, советува Рејн, секој може да преземе нешто за да не дојде до оваа состојба, а тоа е:
Доволно спиење секоја ноќ
Хранење на здрав начин
Редовно вежбање (особено, јога)
Медитација (било кој вид)
Избегнување на социјална изолација
